8 ივნისს დასრულდა 2008 წლის საზაფხულო კონფერენციის ფარგლებში მიმდინარე საგაკვეთილო გეგმების საკონკურსო განაცხადების მიღება. შემოსულია 620 განაცხადი. ამის შემდეგ დაიწყო გაკვეთილების შერჩევის პროცესი წინასწარ გამოცხადებული პირობების თანახმად:
- განიხილება გაკვეთილის გეგმა, რომელიც წარმოდგენილია მინიმუმ ორი სხვადასხვა საგნობრივ ჯგუფში შემავალი დისციპლინების მასწავლებლის მიერ. გაკვეთილი უნდა უკავშირდებოდეს მინიმუმ ორი საგნობრივი ჯგუფის სასწავლო შედეგს;
- გაკვეთილის მასალებზე მუშაობისა თუ გაკვეთილის მიმდინარეობის დროს გამოყენებული უნდა იყოს ინფორმაციული ტექნოლოგიები; გაკვეთილის სასწავლო შედეგებში გათვალისწინებული უნდა იყოს ეროვნული სასწავლო გეგმით განსაზღვრული ისტ (ICT) ინდიკატორები;
- წარმოდგენილი გაკვეთილი უნდა იყოს ჩატარებული/განხორციელებული 2007-2008 სასწავლო წლის განმავლობაში;
- მასალები წარმოდგენილი უნდა იყოს საგაკვეთილო გეგმის ნიმუშის ფორმით, ახლდეს შესაბამისი დოკუმენტაცია და იყოს განთავსებული საგანმანათლებლო პორტალზე ge.lemill.net
|
მხოლოდ თბილისის მასშტაბით შეირჩა 151 გაკვეთილი, რომლებიც მასწავლებლებმა უნდა წარადგინონ 1, 2 და 3 ივლისს ხუთ პარალელურად მიმდინარე კონფერენციაზე.
29 ივნისს მთავრდება კონფერენციაში მონაწილეთა რეგისტრაცია. გთხოვთ, წაიკითხოთ პირობები კონფერენციის ბლოგზე
www.forum-dlf.blogspot.com და ფონდ ”ირმის ნახტომის” ოფიციალურ ვებ საიტზე
www.dlf.ge.
1 comment:
mogesalmebit!
dainteresebuli var tqventan tanamshromlobit!
mtvarisa liparteliani
Post a Comment